COLABORA
SER CASA DE ACOLLIDA
Unha casa de acollida serve para aloxar temporalmente a cans ou gatos que necesiten estar nun fogar durante un tempo, xa sexa mentres se lle atopa un adoptante, porque está enfermo e necesita medicación, cachorros que necesitan ser alimentados con biberón, animais en post-operatorio, animais anciáns ou simplemente animais aos que lles custa especialmente adaptarse ao refuxio. As casa de acollida xogan unha parte vital na súa recuperación e desenvolvemento.
As casas de acollida son casas de persoas que desinteresadamente queren ofrecer os seus fogares e algo do seu tempo en axudar a estes animais durante estes períodos de tránsito.
Os animais recupéranse máis rapidamente de temas de saúde nun ambiente caseiro. Así tamén aprenden a vivir en familia e poden superar problemas de comportamento, como o medo, inseguridade, etc, que son máis facilmente tratables nun fogar que nunha canceira ou protectora.
O animal forma parte dunha familia temporalmente, e as persoas que se ofrecen como casa de acollida fano porque entenden que son unha parte importante no proceso curativo dun animal e un paso necesario para conseguir a súa adopción. En función do tempo de que dispoñan, cada persoa pode escoller de que tipo de animal pode facerse cargo; cans grandes ou pequenos, anciáns, cachorros, animais que necesiten medicación etc.
A casa de acollida proporciónalle ao animal un fogar, alimento, tempo e agarimo pero nós asumimos os gastos xerados polo seu coidado veterinario, é dicir, proporcionámoslle medicación e desparasitación.
ACOLLE! PON UNHA MASCOTA NA TÚA VIDA!
FAICHE SOCIO
A día de hoxe temos aproximadamente 120 cans e uns 130 gatos, a maior parte deles no refuxio e algúns en casas de acollida. Para sufragar gastos de manutención, de atención veterinaria, de mantemento do refuxio, e facer fronte a todo o traballo que a nosa comunidade gato-perruna xera, toda axuda é necesaria e benvida.
Facéndoche socio podes cambiar o destino de moitos cans e gatos que foron abandonados, mellorando a súa calidade de vida e contribuíndo á procura dun novo fogar para cada un deles.
Os socios son un piar fundamental porque ademais de contribuír economicamente, mostrades o voso apoio moral confiando no noso labor, o cal se agradece especialmente en certos momentos en que a rabia #ante as inxustizas cometidas cos animais fainos fraquear. Ademais as vosas achegas son fixas, a diferenza dos donativos ou das recadacións dos nosos eventos benéficos, o cal dá seguridade e continuidade ao noso proxecto.
Podes facerche socio por un mínimo de 15 EUROS CADA TRIMESTRE (60 euros ao ano). Se desexas facer unha achega económica superior ao mínimo trimestral só tes que indicar a cota no apartado de comentarios, ao encher o formulario que aparece a continuación. Enviarémosche un e-mail de confirmación en canto recibamos a túa solicitude.
Moitas grazas pola vosa colaboración!
HAZ UNHA DOAZÓN
Teaming
O Teaming é unha iniciativa solidaria pola cal se reúnen microdonaciones (normalmente de 1 euro) para axudar a unha causa determinada. O nome procede da palabra inglesa “team” (equipo), debido a que pequenas achegas individuais que por si soas non supoñerían un cambio significativo, reúnense para dar forza ao proxecto de equipo. Ademais, o Teaming non conleva intermediarios, comisións, #etc, senón que a doazón destínase integramente á causa elixida.
CON SÓ 1 EURO AO MES!! e de forma totalmente segura, podes axudarnos a sufragar os gastos de manutención, veterinarios e de mantemento do refuxio. Inscríbite en: https://www.teaming.net/aso-protectoradeanimalesdevilagarcia
Os nosos animais agradécencho!
Se aínda che quedan dúbidas sobre o Teaming podes consultar a seguinte ligazón.
Donativos puntuais
Cun acto tan simple como acudir á túa sucursal máis próxima de Caixanova e facer o teu ingreso de 5, 15 ou 20 €, conforme as túas posibilidades, farás que a vida dos nosos animais sexa un pouco menos triste.
Podes facer o teu donativo no seguinte numero de conta, por pouco que sexa os nosos animais agradecerancho de todo corazón.
ES97-2080-5542-26-3040000457
OTRAS FORMAS DE AXUDAR VOLUNTARIOS
Voluntarios
Se tes tempo libre e gústanche os cans e gatos podes vir ata as nosas instalacións e xogar con eles, darlles agarimo e facer que aos poucos esquezan o seu abandono. Tamén necesitamos axuda á hora de bañalos e cepillarlos. Non esquezas que un voluntario tamén ha de realizar tarefas de limpeza, e se es algo manitas, sempre hai cousas que facer nos recintos, ti decides como queres axudar…
DOAZÓNS
Se queres tamén podes achegar medicinas, lambetadas, alfombras e mantas vellas, berces, material de traballo (luvas de goma, escobas, botas de auga…), colares, correas, comederos, penso, xornais. Calquera achega será benvida.
Tamén podes doar roupa que xa non uses (pero aínda conserves en bo estado), libros, peluches, material escolar, ropita de can, xoguetes, #etc, para que sexan vendidos nos nosos mercadillos benéficos.
